తేదీ:05.01.2011
గౌరవనీయులైన కమీషనర్‌ గారికి,
మున్సిపల్‌ కార్పొరేషన్‌, విజయవాడ
ఆర్యా!
విషయం:- విజయవాడ నగరంలో పబ్లిక్‌ స్థలాలను ప్రజలకు అందుబాటులో ఉంచాలని కోరుతూ.......
నగరంలోని వివిధ ప్రాంతాలలో ఉన్న మున్సిపల్‌ ఖాళీ స్థలాలలోనూ,కొండల పైభాగాలలోనూ ప్రైవేటు సంస్ధల ఆధ్వర్యంలో రెస్టారెంట్లు, జిమ్‌లు, కార్‌ పార్కింగ్‌లు, వినోద వ్యాపార భవనాలు నిర్మించడానికి ఆసక్తి గలవారినుండి ప్రతిపాదనలు కోరుతూ మీ కార్యాలయం 06.12.2010తేదీన విడుదలన చేసిన No.AC(P)-162611/2010 నంబరు గల లేఖకు టాక్స్‌ పేయర్స్‌ అసోసియేషన్‌గా మేము అభ్యంతరం వ్యక్తం చేస్తున్నాము.మేము అభ్యంతరం వ్యక్తం చేయటానికిగల కారణాలను ఈ దిగువ నిస్తున్నాము.
1. నగర ప్రజల ప్రజాతంత్ర అవసరాలు
విజయవాడ నగర ప్రజలకు ఖాళీ స్థలాల అవసరాన్ని విజయవాడ నగరపాలక సంస్థ ఏమాత్రం గుర్తించటం లేదు. సుమారు 10లక్షలమంది ప్రజానీకం ఈ నగరంలో నివసిస్తున్నారు.ఈ దేశంలో నివశించే ప్రతి పౌరునికీ భారత రాజ్యాంగం ప్రజాతంత్ర హక్కులను ప్రసాదించింది.అందులో సభలు సమావేశాలూ నిర్వహించుకోవటం భారత
